Um lífræna ræktun gegna strangar reglur en í stuttu máli má segja að hún felist í eftirfarandi:
- Lífrænar afurðir skal framleiða í sátt við umhverfið.
- Í lífrænum vörum eiga að fara saman öryggi, hreinleiki, mikil bragðgæði og fjölþætt næringarsamsetning.
- Lífrænar matjurtir skulu framleiddar án eiturefna og tilbúins áburðar.
- Með því að kaupa lífrænar vörur hvetur þú til skynsamlegrar landnýtingar og gróðurverndar.
- Lífrænar aðferðir draga úr hættu á ýmiss konar mengun í matvælum.
- Í lífrænni ræktun eru ekki notaðar aðferðir og efni sem eru náttúrunni framandi, s.s. erfðabreytingar.
- Lífrænar búfjárafurðir eru framleiddar með velferð búfjár að leiðarljósi, með náttúrulegum fóðurefnum og án hormóna.
- Erfðabreytt efni eru bönnuð í lífrænni framleiðslu.
- Við vinnslu og meðferð er lífrænum vörum haldið aðgreindum frá öðrum vörum og notkun íblöndunarefna er haldið innan strangra marka.
- Vörur og afurðir sem eru seldar sem lífrænar vörur eiga að vera vottaðar af óháðum aðila sem gengur úr skugga um að framleitt sé samkvæmt alþjóðlegum reglum.
Vottunarstofan Tún setur reglur og vottar framleiðendur á Íslandi og er þeirra reglur að finna hér:
